Autor: Burim Preteni

Gjakovë, 04 dhjetor 2025 – Gjykata Themelore në Gjakovë, në bashkëpunim me Organizatën për Siguri dhe Bashkëpunim në Evropë (OSBE), ka mbajtur sot tryezën rajonale për regjionin e Gjakovës dhe Pejës, me temën “Konfiskimi i aseteve – nga sekuestrimi i përkohshëm deri te vendimi gjyqësor i formës së prerë”.

Tryeza u udhëhoq nga kryetarja e Gjykatës Themelore në Gjakovë, Fëllanza Knushaj, ndërsa panelistët përfshinin: gjyqtar në Gjykatën Themelore të Pejës; prokuror në Prokurorinë Themelore të Pejës; Kryeprokuror në Prokurorinë Themelore të Gjakovës.

Në tryezë morën pjesë edhe përfaqësues të Agjencisë për Administrimin e Pasurisë së Sekuestruar dhe të Konfiskuar (AAPSK), të Policisë së Kosovës nga Gjakova dhe Peja, si dhe përfaqësues nga Oda e Avokatëve në Gjakovë.

Diskutimet u fokusuan në forcimin e mekanizmave institucionalë për sekuestrimin dhe konfiskimin e pasurisë së përfituar në mënyrë të paligjshme. U theksua se trajtimi i këtyre rasteve kërkon qasje të koordinuar, reagim të shpejtë si dhe zgjidhje afatgjata për rritjen e efektivitetit të sistemit të drejtësisë.

U.d. Drejtori i Përgjithshëm i AAPSK-së, z. Alban Sutaj, i cili mori pjesë në punëtori së bashku me bashkëpunëtorë të tij, foli për rolin dhe përgjegjësitë e Agjencisë, duke theksuar rëndësinë e bashkëpunimit ndërinstitucional. Ai nënvizoi veçanërisht edhe rëndësinë e shitjes së pasurisë së sekuestruar, me qëllim të ruajtjes së vlerës së saj deri në përfundim të procedurave gjyqësore.

Ky aktivitet ka për qëllim rritjen e bashkëpunimit ndërmjet institucioneve, unifikimin e praktikave profesionale dhe forcimin e mekanizmave për sekuestrimin dhe konfiskimin e pasurisë, në mënyrë që sistemi i drejtësisë të jetë sa më efektiv dhe i qëndrueshëm në luftimin e pasurimit të paligjshëm.

Prishtnë, 14.11.2025- U.d. Drejtori i Përgjithshëm i Agjencisë, z. Alban Sutaj, priti në ambientet e Depos së Agjencisë një delegacion nga Gjykata e Apelit të Kosovës, të kryesuar nga Kryetari i Gjykatës, z. Valon Totaj. Delegacioni përbëhej gjithashtu nga Nënkryetarja e Gjykatës, znj. Kadrije Goga–Lubshtani, si dhe gjyqtarët: znj. Afërdita Bytyçi – udhëheqëse e Departamentit Special, z. Xhevdet Abazi – udhëheqës i Departamentit për Krime të Rënda, dhe z. Arsim Hamzaj – udhëheqës i Departamentit të Përgjithshëm.

Gjatë takimit, përfaqësuesit e Gjykatës së Apelit u informuan nga afër për proceset e administrimit të pasurive nga Agjencia, si dhe u njoftuan mbi gjendjen aktuale të pasurive në Depo, përmes një vizite të drejtpërdrejtë në hapësirat e AAPSK-së. Delegacioni shprehu interesim të veçantë për mënyrën e administrimit dhe ruajtjes së pasurive të sekuestruara.

Në fjalën e tij, z. Sutaj prezantoi rolin dhe përgjegjësitë e Agjencisë, duke theksuar hapat që janë ndërmarrë për ruajtjen e vlerës së pasurive dhe duke ngritur shqetësimin për rrezikun e humbjes së vlerës së tyre gjatë procesit të administrimit.

Palët u dakorduan të vazhdojnë bashkëpunimin dhe të forcojnë koordinimin ndërinstitucional me qëllim të rritjes së efikasitetit në administrimin e pasurive.

Prishtinë, 19 nëntor 2025 – U.d Drejtori i Përgjithshëm i AAPSK-së, z. Alban Sutaj priti në një takim zyrtar delegacionin amerikan nga US Department of the Treasury – Office of Technical Assistance, të përbërë nga z. Joseph W. Burke dhe z. Norman Smith.

Gjatë takimit, z. Sutaj i informoi mysafirët amerikanë rreth zhvillimeve të fundit, rezultateve të arritura si dhe sfidave me të cilat përballet AAPSK. Palët diskutuan gjithashtu për mundësitë e thellimit të bashkëpunimit dhe mënyrat përmes të cilave përvoja dhe mbështetja e US Department of the Treasury – OTA mund të sjellin vlera të reja për institucionet tona.

z. Sutaj shprehu falënderimin për vizitën dhe mbështetjen e vazhdueshme që Shtetet e Bashkuara të Amerikës ofrojnë ndaj institucioneve dhe akterëve kyç në Kosovë në fushën e AML/CFT. Po ashtu, vlerësoj kontributin e delegacionit amerikan për ofrimin e mbështetjes lidhur me një projekt të ri, i cili pritet të mbështesë Kosovën në të ardhmen në fushën e AML/CFT.

Agjencia mbetet e përkushtuar të forcojë partneritetet strategjike dhe të avancojë standardet e transparencës dhe integritetit në vend.

Me ftesë të Ministrisë së Planifikimit Hapësinor, Ndërtimit dhe Pronës Shtetërore Drejtoria për financa, prokurim publik dhe pasurin e konfiskuar në procedurë penale – Sektori për pasurit e konfiskuara në procedurë penale të Republikës se Kroacisë, një delegacion i AAPSK-së nga Republika e Kosovës i udhëhequr nga z Enver Krasniqi, Drejtor i Departamentit për trajtimin e pasurisë se sekuestruar dhe të konfiskuar ka realizuar nje vizitë pune me datën 12-13.11.2025 ne Zagreb.

Qëllimi i vizitës ishte shkëmbimi i përvojave dhe diskutimi mbi problematikën, kuadrin ligjor dhe praktikat e menaxhimit të pasurisë së sekuestruar dhe të konfiskuar në kuadër të procedurave penale. Të dyja palët shqyrtuan sfidat institucionale, përvojat krahasuese dhe mundësitë për forcimin e mekanizmave ligjorë dhe administrativë që garantojnë transparencë dhe efikasitet në këtë fushë.

Gjatë takimit u theksua rëndësia e bashkëpunimit të vazhdueshëm institucional dhe u shpreh gatishmëria për thellimin e mëtejshëm të partneritetit ndërmjet dy vendeve, veçanërisht në fushën e administrimit të pasurisë së sekuestruar dhe të konfiskuar, i cili përbën një dimension thelbësor të forcimit të shtetit të së drejtës.

Prishtinë, 17 nëntor 2025 – Ushtruesi i detyrës së Drejtorit të Përgjithshëm të Agjencisë për Administrimin e Pasurisë së Sekuestruar dhe të Konfiskuar (AAPSK), z. Alban Sutaj, së bashku me bashkëpunëtorë, priti sot në një takim pune Kryeshefen Ekzekutive të Postës së Kosovës, znj. Nora Rraci, e cila ishte e shoqëruar nga bashkëpunëtorët e saj.

Gjatë takimit u diskutua rreth mundësive të bashkëpunimit ndërmjet AAPSK-së dhe Postës së Kosovës, me fokus në proceset që mund të avancohen në shërbim të të dy institucioneve.

Të dy drejtuesit, z. Sutaj dhe znj. Rraci, potencuan rëndësinë e forcimit të bashkëpunimit ndërinstitucional, duke vlerësuar se shkëmbimi i përvojave dhe harmonizimi i proceseve do të kontribuojë në rritjen e efikasitetit dhe transparencës në punë.

AAPSK mbetet e përkushtuar të zhvillojë partneritete të tilla institucionale që mbështesin objektivat e saj ligjore dhe funksionale.

Prishtinë, 12 nëntor 2025 – Në ambientet e Administratës Tatimore të Kosovës (ATK), është zhvilluar një takim ndërmjet Ushtruesit të Detyrës së Drejtorit të Përgjithshëm të AAPSK-së, z. Alban Sutaj, dhe Drejtorit të Përgjithshëm të ATK-së, z. Mentor Hyseni.

Qëllimi i këtij takimi ishte bashkërendimi dhe forcimi i bashkëpunimit ndërinstitucional në fushën e menaxhimit të pasurive të sekuestruara dhe të konfiskuara, me theks të veçantë në shkëmbimin e të dhënave mbi barrën tatimore të pasurive që janë apo mund të jenë nën administrimin e Agjencisë.

Gjatë takimit, palët theksuan rëndësinë e koordinimit efektiv ndërmjet institucioneve publike për të siguruar menaxhim të përgjegjshëm, transparent dhe ligjor të pasurive të sekuestruara dhe të konfiskuara.

Në fund të takimit, u dakordua për vazhdimin e komunikimit dhe bashkëpunimit të ngushtë ndërinstitucional, përmes shkëmbimit të informacioneve dhe krijimit të mekanizmave të përbashkët të koordinimit në këtë fushë me interes të përbashkët publik.

Prishtinë, 5 nëntor 2025 – Agjencia për Administrimin e Pasurisë së Sekuestruar dhe të Konfiskuar (AAPSK) dhe Agjencia për Regjistrimin e Bizneseve të Kosovës (ARBK) kanë nënshkruar Memorandumin e Bashkëpunimit, me qëllim të forcimit të bashkëpunimit ndërinstitucional dhe mbështetjes së ndërsjellë në përmbushjen e detyrave dhe përgjegjësive ligjore dhe kushtetuese të të dy institucioneve.

Ushtruesi i Detyrës së Drejtorit të Përgjithshëm të AAPSK-së, z. Alban Sutaj, u prit në takim pune nga Ushtruesja e Detyrës së Drejtoreshës Ekzekutive të ARBK-së, znj. Igballe Rexha-Jashari, ku edhe u nënshkrua ky memorandum bashkëpunimi.

Ky memorandum synon të krijojë një kornizë të qëndrueshme bashkëpunimi ndërmjet dy agjencive, për të lehtësuar shkëmbimin e informacioneve dhe të dhënave të nevojshme, si dhe për të rritur efikasitetin në realizimin e objektivave të përbashkëta institucionale.

Përmes këtij dokumenti, AAPSK synon të përforcojë kapacitetet e saj institucionale dhe të avancojë proceset e administrimit dhe menaxhimit të pasurisë së sekuestruar dhe të konfiskuar, në përputhje me mandatin dhe misionin e saj ligjor.

Ky memorandum është arritur mbi bazën e nevojës për bashkëpunim të ngushtë ndërmjet institucioneve përgjegjëse, me qëllim të përmbushjes sa më efektive të detyrimeve ligjore dhe për të kontribuar në forcimin e sundimit të ligjit në Republikën e Kosovës.

Prishtinë, 4 nëntor 2025 – U.D. Drejtorit i Përgjithshëm i Agjencisë për Administrimin e Pasurisë së Sekuestruar dhe të Konfiskuar, z. Alban Sutaj, u prit të martën në një takim pune nga Koordinatori për Krime Kibernetike në Prokurorinë Speciale, prokurori special z. Halil Borovci.

Tema e diskutimit ishte trajtimi dhe menaxhimi i pasurive të sekuestruara dhe të konfiskuara, me theks të veçantë në administrimin e aseteve digjitale.

Gjatë takimit u vlerësua se është thelbësore të adresohen mungesat ligjore dhe teknike që lidhen me menaxhimin e aseteve digjitale, me qëllim të rritjes së efikasitetit institucional.

Z. Sutaj dhe z. Borovci theksuan nevojën për avancimin e bashkëpunimit ndërinstitucional në fushën e menaxhimit të këtyre pasurive, sidomos atyre digjitale, duke shprehur gatishmërinë për bashkëpunim të mëtejshëm dhe për angazhim të përbashkët.

Prishtinë, 3 nëntor 2025 – Ushtruesi i detyrës së Drejtorit të Përgjithshëm të Agjencisë për Administrimin e Pasurisë së Sekuestruar dhe Konfiskuar (AAPSK), z. Alban Sutaj me bashkëpunëtor, priti në takim përfaqësuesit e Ambasadës Britanike në Prishtinë: znj. Altina Besimi, z. Alan Edwards dhe z. Blend Zyrapi.

Gjatë takimit u diskutua për mundësitë e thellimit të bashkëpunimit ndërinstitucional, me theks të veçantë në avancimin e praktikave ligjore dhe forcimin e mekanizmave të drejtësisë në Kosovë. Palët u fokusuan në zhvillimin e një bashkëpunimi të ngushtë dhe efektiv ndërmjet institucioneve të zbatimit të ligjit, me qëllim të krijimit të një modeli të suksesshëm që do të përmirësojë procedurat ligjore dhe do të kontribuojë në forcimin e sistemit të drejtësisë.

Në kuadër të diskutimeve u trajtuan edhe çështje që lidhen me menaxhimin e pasurive të bizneseve dhe aseteve digjitale (crypto-assets), si fusha me rëndësi në zhvillimin e mëtejshëm të praktikave moderne të administrimit të pasurisë së sekuestruar.

Z. Sutaj shprehu mirënjohjen e tij për mbështetjen e vazhdueshme që Ambasada Britanike i ofron AAPSK-së, duke theksuar rëndësinë e këtij partneriteti në ngritjen e kapaciteteve institucionale dhe në avancimin e standardeve ligjore në Kosovë.

Në përfundim, palët u dakorduan për vazhdimin e bashkëpunimit në të ardhmen, me synim forcimin e sundimit të ligjit dhe realizimin e objektivave të përbashkëta në shërbim të një sistemi të drejtë dhe transparent.

Prishtinë / Vjenë, 28-29 tetor 2025 – Ushtruesi i Detyrës së Drejtorit të Përgjithshëm të Agjencisë për Administrimin e Pasurisë së Sekuestruar dhe të Konfiskuar të Republikës së Kosovës (AAPSK), z. Alban Sutaj, mori pjesë online në Konferencën e 9-të Ndërkombëtare për Hetimin e Krimeve Financiare të lidhura me Kriptovalutat, e cila u zhvillua më 28-29 tetor 2025 në Qendrën Ndërkombëtare të Vjenës, nën organizimin e përbashkët të Europol, UNODC dhe Basel Institute on Governance.

Konferenca mblodhi përfaqësues të lartë të agjencive të zbatimit të ligjit, institucioneve rregullatore, sektorit financiar dhe industrisë së kriptovalutave nga mbarë bota, me synim forcimin e bashkëpunimit publik–privat në luftën kundër pastrimit të parave, financimit të krimit të organizuar dhe aktiviteteve të paligjshme përmes teknologjive financiare moderne.

Folësit në Konferencë theksuan nevojën për standarde dhe bashkëpunim më të fortë. Përdorimi kriminal i kriptos po bëhet gjithnjë e më profesional, por edhe përgjigja globale po bëhet e tillë. Pjesëmarrësit në Konferencën e 9-të Globale mbi Financat Kriminale dhe Kriptoasetet theksuan tre prioritete: zhvillimin e standardeve të përbashkëta, thellimin e bashkëpunimit dhe investimin në kapacitet.

Këto janë thelbësore nëse autoritetet dhe industria duan të mbajnë ritmin me kërcënimet në zhvillim dhe të rikuperojnë kriptoasetet e paligjshme në shkallë të gjerë

Pjesëmarrja e z. Sutaj në këtë konferencë ndërkombëtare synon forcimin e bashkëpunimit institucional dhe shkëmbimin e përvojave me partnerë të huaj, me qëllim rritjen e kapaciteteve të AAPSK-së në administrimin efikas të pasurisë së sekuestruar dhe të konfiskuar, përfshirë edhe asete në formë dixhitale.