Kategori: Uncategorized

Prishtinë, 05 qershor 2025 – Ushtruesi i Detyrës së Drejtorit të Përgjithshëm të Agjencisë për Administrimin e Pasurive të Sekuestruara dhe të Konfiskuara (AAPSK), z. Alban Sutaj, mori pjesë në takimin e përbashkët të Këshillit Gjyqësor të Kosovës dhe Këshillit Prokurorial të Kosovës, ku u diskutua tema: “Menaxhimi i pasurive të sekuestruara dhe të konfiskuara”.

Fjalimet hyrëse në këtë takim u mbajtën nga z. Fejzullah Rexhepi, Kryetar i Gjykatës Supreme të Republikës së Kosovës dhe z. Besim Kelmendi, Ushtrues i Detyrës së Kryeprokurorit të Shtetit. Të dy theksuan rëndësinë e një menaxhimi të drejtë dhe transparent të pasurive të sekuestruara dhe të konfiskuara, duke theksuar se efikasiteti në këtë fushë nuk është vetëm çështje ligjore, por edhe një faktor kyç për rritjen e besimit të qytetarëve në sistemin e drejtësisë.

Gjatë takimit, për rolin e sistemit gjyqësor dhe prokurorial në menaxhimin e këtyre pasurive folën edhe Kryesuesi i Këshillit Gjyqësor të Kosovës, z. Albert Zogaj, dhe z. Ardian Hajdaraj, në cilësinë e Kryesuesi te  Këshillit Prokurorial.

Z. Alban Sutaj, në cilësinë e U.D. Drejtorit të Përgjithshëm të AAPSK-së, bëri një prezantim për sfidat me të cilat përballet Agjencia në Administrimin e pasurive të sekuestruara dhe të konfiskuara. Po ashtu, një prezantim mbi këtë temë e mbajti edhe Koordinatori Kombëtar për Luftimin e Krimit Ekonomik, prokurori Kujtim Munishi.

Diskutimi përfshiu çështje të rëndësishme si:

• Masat e propozuara për pasuritë e sekuestruara dhe procesi i miratimit apo refuzimit të tyre;
• Ndikimi i shitjes së aseteve të sekuestruara në rritjen e vlerës së tyre;
• Zbatimi praktik i dispozitave ligjore për sekuestrimin e telefonave dhe përdorimin e tyre si provë;
• Nevoja për nxjerrjen e udhëzimeve interpretative nga Gjykata Supreme.

Ky takim konfirmoi përkushtimin institucional për bashkëpunim të ngushtë ndërmjet agjencive të drejtësisë me qëllim të rritjes së efikasitetit në luftimin e krimit dhe menaxhimin transparent të pasurive të sekuestruara e të konfiskuara.

Tiranë, 3 qershor 2025

Në kuadër të forcimit të bashkëpunimit rajonal, një delegacion i Agjencisë për Administrimin e Pasurisë së Sekuestruar dhe të Konfiskuar të Republikës së Kosovës, i udhëhequr nga ud Drejtori i Përgjithshëm, z. Alban Sutaj, realizoi një vizitë dy-ditore në Shqipëri me ftesë të Kryeadministratores se AAPSK-së së Shqipërisë, znj. Risena Xhaja.

Gjatë takimeve, palët shkëmbyen përvoja dhe praktika të mira në administrimin e pasurive me burim të paligjshëm, me fokus në:

• Standartizimin e procedurave;
• Rritjen e transparencës dhe efikasitetit;
• Ripërdorimin social të pasurive të konfiskuara.

Delegacioni vizitoi një ndërmarrje sociale në Elbasan, të ngritur mbi një pasuri të konfiskuar, e cila funksionon si qendër përfshirjeje për komunitetin – një model frymëzues për nisma të ngjashme në Kosovë.

Drejtori i Përgjithshëm i AAPSK-së, z. Alban Sutaj, theksoi rëndësinë e ndërtimit të strukturave të qëndrueshme dhe shprehu përkushtimin për bashkëpunim të ngushtë me agjencinë shqiptare. Nga ana e saj, Kryeadministratorja e AAPSK-së së Shqipërisë, znj. Risena Xhaja, u shpreh:

“Kjo vizitë është dëshmi e qartë se besimi dhe vullneti për të bashkëpunuar në mënyrë institucionale përtej kufijve po jep fryte konkrete. AAPSK është e angazhuar për të thelluar më tej bashkëpunimin rajonal dhe për të përfituar nga praktikat më të mira evropiane. Kemi rënë dakord me AAPSK-në e Kosovës për të nënshkruar së shpejti një marrëveshje të re bashkëpunimi. Rasti i sipërmarrjes sociale në Elbasan tregon se pasuritë e konfiskuara mund të kthehen në motor zhvillimi dhe përfshirjeje për grupet në nevojë.”

Palët u angazhuan për të avancuar drejt një bashkëpunimi të qëndrueshëm në fusha me interes të përbashkët dhe për të ndërtuar një model të integruar rajonal në administrimin e pasurive me origjinë kriminale.

Prishtinë, 27 maj 2025

Në kuadër të përpjekjeve të vazhdueshme për të forcuar bashkëpunimin ndërinstitucional dhe për të përmirësuar menaxhimin e pasurive të sekuestruara dhe të konfiskuara, u organizua tryeze e rrumbullaket me mbështetjen e OSBE-së, e cila ka si synim kryesor rritjen e koordinimit mes institucioneve ligjzbatuese në fazën e sekuestrimit dhe shitjes së pasurive, në mënyrë që të ruhet vlera e tyre deri në përfundimin e procesit gjyqësor.

Fjalën hyrëse dhe prezantimin për punën e Agjencisë e paraqiti ud. Drejtori i Përgjithshëm i AAPSK-se z. Alban Sutaj. Takimin përmasë lidhjese online e përshëndeti ud Kryeprokurori i Shtetit z. Besim Kelmendi.

Te pranishme ne këtë tryeze ishin Kryetari i Gjykatëse se Apelit z. Valon Totaj dhe Kryeprokurori i Apelit z. Agron Bajrami; Gjyqtari i Gjykatëse Supreme z. Burim Ademi; Koordinatorin Kombëtar për Luftimin e Krimit Ekonomik z. Kujtim Munishi; Udhëheqësi i Zyrës për Rikthim te Aseteve z. Bahri Hyseni si dhe Kryetaret e Gjykatave Themelore te Kosoves dhe Kryeprokuroret e Prokurorive Themelore; Giovannino Di Persio Shef i Sektorit kundër Krimeve te renda dhe krimit te organizuar pranë Departamentit për rend dhe siguri publike te Misionit te OSBE ne Kosove si dhe partner ndërkombëtare qe mbështesin Agjencinë.

Qëllimi i kësaj punëtorie është të krijojë një platformë efektive për diskutim dhe përafrim të praktikave më të mira lidhur me administrimin e pasurive të sekuestruara dhe të konfiskuara, si dhe të theksojë rëndësinë e konsultimit të Agjencisë për Administrimin e Pasurisë së Sekuestruar dhe të Konfiskuar (AAPSK) në çdo fazë të procesit.

Në këtë takim, u diskutuan sfidat dhe arritjet në menaxhimin e pasurive të sekuestruara dhe të konfiskuara, duke vënë theksin tek nevoja për bashkëpunim të ngushtë midis Policisë, Prokurorisë, Gjykatave dhe AAPSK-së. U theksua roli kyç i Agjencisë në ruajtjen dhe administrimin profesional të pasurive, si dhe në ekzekutimin e vendimeve për sekuestrimin dhe konfiskimin e tyre.

Ud. Drejtori i Përgjithshëm i  AAPSK-së z. Sutaj falënderoi institucionet pjesëmarrëse dhe OSBE-në për mbështetjen e vazhdueshme dhe vuri në dukje përkushtimin e institucioneve për avancimin e bashkëpunimit dhe zbatimin efektiv të kuadrit ligjor, që siguron administrimin transparent dhe profesional të pasurive të sekuestruara dhe konfiskuara.

Punëtori të tilla kanë qenë pjesë e angazhimit të vazhdueshëm të institucioneve për të përmirësuar koordinimin dhe për të ndarë praktikat më të mira, me qëllim që të përballen me sfidat dhe të arrijnë objektivat e përcaktuara në luftën kundër krimit.

Në fund të punëtorisë, të gjithë pjesëmarrësit shprehën gatishmërinë për të intensifikuar bashkëpunimin dhe për të ndjekur hapat e mëtejshëm për finalizimin e proceseve në mënyrë efektive dhe të përgjegjshme.

Prishtinë, 22 maj 2025 – UD i Drejtorit të Përgjithshëm të Agjencisë për Administrimin e Pasurisë së Sekuestruar dhe të Konfiskuar (AAPSK), z. Alban Sutaj, u takua me Ushtruesin e Detyrës së Kryeprokurorit të Shtetit, z. Besim Kelmendi. Në takim morën pjesë edhe Shefi i Sektorit kundër Krimit të Organizuar pranë Departamentit për Rend dhe Siguri Publike të Misionit të OSBE-së në Kosovë, z. Giovannio Di Persio, si dhe z. Senad Shajkovci, asistent i programit në atë sektor.

Gjatë këtij takimi u diskutua rreth ngrirjes, sekuestrimit, konfiskimit dhe rikthimit të aseteve të sekuestruara dhe të konfiskuara, me fokus të veçantë në ngrirjen e pasurisë së fituar me vepër penale, si dhe mundësitë për shitjen apo shfrytëzimin e kësaj pasurie në përputhje me dispozitat ligjore.

Zyrtarët e OSBE-së ofruan mbështetjen e tyre për organizimin e punëtorive dhe aktiviteteve të tjera që kanë për qëllim të ndihmojnë prokurorët dhe zyrtaret e Agjencise në zbatimin sa më të mirë të dispozitave ligjore, në mënyrë që të parandalohen dëmtimet e buxhetit të shtetit dhe të palëve në procedurë penale.

Ushtruesi i Detyrës së Kryeprokurorit të Shtetit, z. Besim Kelmendi, falënderoi mysafirët dhe u zotua se do të vazhdojë bashkëpunimin në funksion të zbatimit sa më efektiv dhe të drejtë të dispozitave ligjore, në lidhje me ngrirjen, sekuestrimin, konfiskimin dhe rikthimin e aseteve të fituara me vepër penale.

Prishtinë, 21.05.2025

Në ambientet e Agjencisë për Administrimin e Pasurisë së Sekuestruar dhe të Konfiskuar (AAPSK), ud. Drejtori i Përgjithshëm, z. Alban Sutaj, së bashku me bashkëpunëtorë, priti në takim pune Koordinatorin Kombëtar për Luftimin e Krimit Ekonomik, z. Kujtim Munishi me bashkepuntor.

Gjatë takimit u diskutua mbi forcimin e bashkëpunimit ndërinstitucional, me fokus të veçantë në planifikimin para sekuestrimit të pasurisë dhe në mekanizmat për administrimin sa më efikas të saj.

Një nga çështjet kryesore të trajtuara ishte edhe mundësia e shitjes së pasurisë në fazën e sekuestrimit, me qëllim ruajtjen e vlerës së saj deri në vendimin përfundimtar të procesit gjyqësor. Ky diskutim synon të kontribuojë në përmirësimin e praktikave ekzistuese dhe në forcimin e transparencës dhe efikasitetit institucional në këtë fushë.

Agjencia mbetet e përkushtuar në ndërtimin e partneriteteve të qëndrueshme me institucionet vendore dhe ndërkombëtare, në funksion të sundimit të ligjit dhe administrimit të drejtë të pasurisë së sekuestruar dhe të konfiskuar.

Prishtinë, 19 maj 2025

UD Drejtori i Përgjithshëm z. Alban Sutaj u takua sot me Kryetaren e Gjykatës Themelore në Prishtinë, znj. Albina Shabani Rama.

Në këtë takim u diskutua rëndësia e bashkëpunimit ndërinstitucional, me theks të veçantë në çështjet  që ndërlidhen me shitjen e pasurive në fazën e sekuestrimit. Qëllimi i këtij diskutimi ishte gjetja e mekanizmave ligjorë dhe institucionalë për ruajtjen e vlerës së pasurisë deri në përfundimin e gjykimit përfundimtar.

Takimi shënon një hap të rëndësishëm drejt avancimit të praktikave të mira në administrimin efikas dhe të qëndrueshëm të pasurive të sekuestruara dhe të konfiskuara, në përputhje me ligjin dhe standardet ndërkombëtare.

Agjencia për Administrimin e pasurisë se Sekuestruar dhe të Konfiskuar mbetet e përkushtuar në ndërtimin e partneriteteve të forta me institucionet e drejtësisë, në funksion të forcimit të sundimit të ligjit dhe mbrojtjes së interesit publik.

Sot, Ushtruesi i Detyrës së Drejtorit të Përgjithshëm të Agjencisë për Administrimin e Pasurive të Sekuestruara dhe të Konfiskuara (AAPSK), z. Alban Sutaj, së bashku me bashkëpunëtorët e tij, priti në takim Shefin e Sektorit Kundër Krimeve të Rënda dhe Krimit të Organizuar pranë Departamentit për Rend dhe Siguri Publike të Misionit të OSBE-së në Kosovë, z. Giovannino DiPersio, së bashku me ekipin e tij.

Gjatë takimit u diskutua për administrimin e pasurive të sekuestruara dhe të konfiskuara në Kosovë, me theks të veçantë mbi mundësinë e shitjes së pasurive në fazën e sekuestrimit, me qëllim ruajtjen e vlerës së tyre deri në përfundim të proceseve gjyqësore.

Z. Sutaj e informoi z. DiPersio mbi punën, sfidat dhe të arriturat e AAPSK-së, duke theksuar rëndësinë e bashkëpunimit ndërinstitucional. Ai gjithashtu shprehu mirënjohje për mbështetjen e vazhdueshme të OSBE-së në forcimin e kapaciteteve të agjencisë dhe në thellimin e koordinimit me akteret vendorë.

Prishtine, 7 maj 2025

U. D Drejtori i AAPSK-se, z. Alban Sutaj, ka pritur në takim Drejtorin e Agjencisë për Parandalimin e Korrupsionit (APK), z. Yll Buleshkaj.

Takimi u zhvillua në frymën e bashkëpunimit ndërinstitucional, me qëllim të rritjes së efikasitetit në zbatimin e ligjit dhe forcimin e mekanizmave kundër korrupsionit. Palët diskutuan për rëndësinë e bashkërendimit të veprimeve midis dy agjencive, si dhe për nevojën e bashkepunimit  të vazhdueshëm që ndihmon në administrimin efektiv të pasurive të përfituara në mënyrë të kundërligjshme.

Në takim u theksua se sundimi i ligjit dhe lufta kundër korrupsionit kërkojnë angazhim të përbashkët dhe veprime të koordinuara midis institucioneve përgjegjëse. Ky bashkëpunim përfaqëson një hap konkret drejt ndërtimit të një sistemi më transparent dhe të drejtë në shërbim të qytetarëve.

Agjencia për Administrimin e Pasurive të Sekuestruara dhe të Konfiskuara mbetet e përkushtuar për të forcuar bashkëpunimin me të gjitha institucionet relevante, me synim fuqizimin e sundimit të ligjit dhe garantimin e një qasjeje të drejtë dhe profesionale në administrimin e pasurive të sekuestruara dhe të konfiskuara.

Prishtine, 6 maj 2025

U. D i Drejtorit te Pergjithshem i AAPSK-së z. Alban Sutaj mori pjesë në takimin e organizuar nga Zyra për Rikthimin e Aseteve (ZRA), me ftesë të Prokurorit të Shtetit, z. Bahri Hyseni.

Në këtë takim mori pjesë edhe U.D. Kryeprokurori i Shtetit, z. Besim Kelmendi, i cili konfirmoi mbështetjen e tij të plotë për punën dhe misionin e ZRA-së. Takimi mblodhi përfaqësues nga institucionet e zbatimit të ligjit si dhe partnerë ndërkombëtarë, të cilët kanë qenë mbështetës të kësaj zyre që nga themelimi i saj.

Gjatë diskutimeve u prezantua puna e deritanishme e ZRA-së, me theks të veçantë në bashkëpunimin ndërkombëtar gjatë vitit 2024 me Rrjetin CARIN, si dhe me disa shtete të Bashkimit Evropian, përfshirë Zvicrën dhe Turqinë.

Një ndër pikat kryesore të diskutimit ishte edhe nisma për përgatitjen e një koncept-dokumenti, që do të shërbejë si bazë për hartimin e ligjit të veçantë për Zyrën për Rikthimin e Aseteve. Qëllimi është forcimi i kapaciteteve institucionale.

Rikthimi i aseteve të përfituara në mënyrë të paligjshme mbetet thelbësor për ruajtjen e integritetit ekonomik dhe për luftimin e dukurive si korrupsioni, pastrimi i parave dhe shmangia e tatimeve.

Prishtinë, 5 maj 2025

U.d. Drejtori i Përgjithshëm i Agjencisë për Administrimin e Pasurive të Sekuestruara dhe të Konfiskuara (AAPSK), z. Alban Sutaj se bashku me zv Udhëheqësen e Divizionit te Personelit znj. Nole Rexha-Kelmendi, zhvilloi një takim konstruktiv me U.d. Drejtoreshën e Përgjithshme të Institutit të Kosovës për Administratë Publike (IKAP), znj. Lule Isufi me bashkëpunëtor. Gjatë takimit u diskutua rreth listës së trajnimeve të planifikuara për stafin e AAPSK-së, me fokus të veçantë në trajnime të avancuara dhe të specializuara në fushën e administrimit të pasurive të sekuestruara dhe të konfiskuara.

U theksua rëndësia e përfshirjes së moduleve trajnuese që mbulojnë tema si: procedurat e pranimit të pasurive, vlerësimi i pasurive të luajtshme dhe të paluajtshme, ruajtja e vlerës së tyre, si dhe procedurat për shitjen e pasurive.

“Rritja e kapaciteteve profesionale të stafit është thelbësore për të siguruar një administrim të përgjegjshëm, transparent dhe në përputhje të plotë me ligjin,” theksoi z. Sutaj gjatë takimit.

Ky bashkëpunim synon ngritjen e kapaciteteve profesionale të stafit të AAPSK-së, me qëllim të garantimit të një administrimi efikas te pasurive në përputhje me kuadrin ligjor në fuqi