ZËVENDËSUESI I DREJTORIT TË PËRGJITHSHËM TË AAPSK-së, Z. ENVER KRASNIQI, U PRIT NË TAKIM NGA AMBASADORI I LUKSEMBURGUT Z. ERIC DIETZ

Në ambientet e Ambasadës së Luksemburgut në Prishtinë është zhvilluar takimi ndërmjet zëvendësuesit të Drejtorit të Përgjithshëm të AAPSK-së, z. Enver Krasniqi me bashkëpunëtor dhe Ambasadorit te Luksemburgut  z. Eric Dietz.

Në takim u diskutua mundësia e bashkëpunimit ndërinstitucional ndërmjet AAPSK-së dhe institucioneve relevante për administrim të pasurive të sekuestruara dhe të konfiskuara në Luksemburg.

Ambasadori z. Eric Dietz u zotua se do të angazhohet që ky bashkëpunim të jetësohet në interes të ndërsjellët të institucioneve.

Z. Krasniqi e falënderoi z. Dietz për mikë pritjen dhe diskutimin konstruktiv.