AAPSK dhe Prokuroria e Shtetit intensifikojnë bashkëpunimin për administrimin e pasurisë së sekuestruar dhe të konfiskuar

U.D Drejtori i Përgjithshëm i Agjencisë për Administrimin e Pasurisë së Sekuestruar dhe të Konfiskuar (AAPSK), realizoj një takim me u.d Kryeprokurorin e Shtetit, z. Besim Kelmendi.

Qëllimi i këtij takimi ishte forcimi i bashkëpunimit ndërinstitucional, me fokus në:

•           Planifikimin para sekuestrimit të pasurive,

•           Parashtrimin e kërkesave në gjykatë për shitjen e pasurive të sekuestruara me synim ruajtjen e vlerës së tyre,

•           Rritjen e koordinimit ndërmjet AAPSK-së dhe Prokurorisë së Shtetit në administrimin efektiv të pasurive të sekuestruara dhe të konfiskuara.

Gjatë diskutimeve, palët ritheksuan rëndësinë e një qasjeje të koordinuar dhe efikase për të garantuar ruajtjen e vlerës së pasurive dhe për të përmbushur objektivat e sundimit të ligjit.